បាឡុងចិន ដែលអាមេរិកចោទថាស៊ើបការចារកម្មនោះ ត្រូវកងទ័ពអាមេរិកបាញ់កម្ទេច ធ្លាក់ក្នុងសមុទ្រ និងកំពុងតែរុករកបំណែក ដើម្បីទៅធ្វើកោសល្យវិនិច្ឆ័យវិទ្យាសាស្ត្រ។ «បាឡុងចារកិច្ចចិន» នេះ ធ្វើឲ្យរដ្ឋមន្ត្រីការបរទេសអាមេរិក លុបចោលគម្រោងទស្សនកិច្ចផ្លូវការ នៅក្រុងប៉េកាំង។ មិនតែប៉ុណ្ណោះ វាបានបង្កជម្លោះរិះគន់ផ្ទៃក្នុងប្រទេសអាមេរិក រវាងអ្នកនយោបាយ បក្សសាធារណរដ្ឋនិងបក្សប្រជាធិបតេយ្យផង។