នៅ​ថ្ងៃ​ព្រហស្បតិ៍ ទី២៥ សីហា ប្រធានាធិបតី​បារាំង​លោក​អេម៉ានុយអែល ម៉ាក្រុង​ផ្តើម​ទស្សនកិច្ច​ផ្លូវការ​រយៈពេល ៣ថ្ងៃ​នៅ​ក្នុង​ប្រទេស​អាល់ហ្សេរី។ ទស្សនកិច្ច​នេះ​បាន​ធ្វើ​ឡើង​តាម​ការ​អញ្ជើញ​របស់​ប្រធានាធិបតី​អាល់ហ្សេរី​លោក​អាប់ឌែលម៉ាហ្ស៊ីដ ទេពប៊ូន។ គួរ​បញ្ជាក់​ថា នេះ​ជា​ទស្សនកិច្ច​លើកទី២ របស់​លោក​ម៉ាក្រុង​ក្នុង​នាម​ជា​ប្រធានាធិបតី​ទៅ​កាន់​អាល់ហ្សេរី។ តាម​រយៈ​ទស្សនកិច្ច​លើក​នេះ លោក​ម៉ាក្រុង​សង្ឃឹម​បើក​ទំព័រ​ថ្មី​នៅ​ក្នុង​ទំនាក់ទំនង​រវាង​បារាំង និង​អាល់ហ្សេរី​ដែល​កំពុង​បន្ត​រកាំរកូស​ដោយ​រឿង​អតីតកាល។