នៅ​ក្នុង​ប្រទេស​បារាំង ប្រធានាធិបតី​លោក​អេម៉ានុយអែល ម៉ាក្រុង​ទទួល​ជួប​នាយករដ្ឋមន្រ្តី​អាល្លឺម៉ង់​លោក​អូឡាហ្វ ស្ហុលស៍​នៅ​ក្នុង​វិមាន​អេលីហ្សេ​នា​ថ្ងៃ​ពុធ ទី២៦ តុលា។ កម្មវត្ថុ​នៃ​ជំនួប គឺ​ដើម្បី​ផ្តល់​សន្ទុះ​ឡើង​វិញ​នូវ​ទំនាក់ទំនង​ទ្វេភាគី​ដែល​បាន​ស្គាល់​ភាព​រកាំរកូស​ខ្លាំង​នា​រយៈ​ពេល​ចុង​ក្រោយ​នេះ។ បន្ទាប់​មក ការ​ព្យាយាម​ផ្តល់​សន្ទុះ​ឡើង​វិញ​នូវ​ម៉ាស៊ីនអឺរ៉ុប​ក៏​ជា​កម្មវត្ថុ​នៃ​ជំនួប​រវាង​លោក​ម៉ាក្រុង និង​លោក​ស្ហុលស៍​ដែរ ពិសេស​នៅ​ក្នុង​បរិបទ​នៃ​សង្រ្គាម​រុស្ស៊ី​ឈ្លានពាន​អ៊ុយក្រែន។