នៅ​ថ្ងៃ​អង្គារ ទី១៣ ធ្នូ ប្រទេស​បារាំង​ធ្វើ​ជា​ម្ចាស់ផ្ទះ​រៀបចំ​សន្និសីទអន្តរជាតិ​ដើម្បី​ជួយ​គាំទ្រ​ប្រទេស​អ៊ុយក្រែន។ មាន​ប្រទេស​ប្រមាណ​ជា ៤០ប្រទេស និង​អង្គការ​ប្រមាណ​ជា ២០អង្គការ​បាន​ចូល​រួម​ដោយ​ផ្ទាល់​នៅ​ក្នុង​សន្និសីទអន្តរជាតិ​នេះ។ សន្និសីទ​អន្តរជាតិ​ស្តីពី​អ៊ុយក្រែន​ពេល​នេះ​បាន​រៀប​ចំ​ឡើង ខណៈ​ដែល​សង្រ្គាម​រុស្ស៊ី​ឈ្លានពាន​អ៊ុយក្រែន​បាន​អូសបន្លាយ​ជាង ៩ខែ និង​ដែល​ក្នុង​រយៈពេល​ចុង​ក្រោយ​នេះ រុស្ស៊ី​បាន​សម្រុក​វាយប្រហារ​លើ​ហេដ្ឋារចនាសម្ព័ន្ធ​របស់​អ៊ុយក្រែន ពិសេស​ហេដ្ឋារចនាសម្ព័ន្ធ​ថាមពល។