នៅប្រទេស​ចិន ​បីថ្ងៃ​មកហើយ ដែល​ពលរដ្ឋ​​រាប់រយនាក់ ពិសេស​យុវជននិងនិស្សិត នាំគ្នា​បាតុកម្ម​សម្តែង​មតិ​ប្រឆាំង​ជំទាស់​នឹង​យុទ្ធការ​«កូវីដសូន្យ»​របស់​រដ្ឋាភិបាល​កុម្មុយនិស្ត​​។ ​ ថ្ងៃ​អាទិត្យ​ បាតុកម្ម​​រៀបចំ​ធ្វើ​នៅ​ទីក្រុង​សៀងហៃ​ នៅ​ប៉េកាំង នៅ​​តាម​សកលវិទ្យាល័យនានា ព្រមទាំង​នៅ​ក្រុង​មួយ​ចំនួន​ទៀតផង​។  ​ប៉ូលិស​ចិន ​ក៏​បាន​ចាប់ឃាត់​ខ្លួន​បាតុករ​និង​និស្សិត ​ទៅ​ដោយ​ស្ងាត់ៗ​ដែរ។