ឧស្ម័ន​កាបូនិក​ដែលមនុស្សយើងបញ្ចេញទៅក្នុង​បរិយាកាស គឺជាប្រភពដ៏ចំបង ធ្វើឲ្យ​ផែនដីយើងឡើងកំដៅ ហើយ​ធ្វើ​ឲ្យ​មាន​វិបត្តិអាកាសធាតុ។ តែទោះជាយ៉ាងណា ការកាត់​បន្ថយ​ការបញ្ចេញ​ឧស្ម័ន​កាបូនិច ហាក់ដូចជាស្ថិតនៅលើផ្លូវមួយ​ដ៏លំបាក សម្រាប់​មនុស្សជាតិយើង។ ប្រឈមនឹងបញ្ហានេះ ពិភពលោក​យើង បាន​ដាក់ក្តីសង្ឃឹមទៅលើ​បច្ចេកវិទ្យាថ្មីៗ ដើម្បី​ចាប់យក ឬស្រូបយកឧស្ម័ន​កាបូនិកពីក្នុងបរិយាកាស យកទៅបង្ឃាំងទុក។ មានក្រុមហ៊ុន សហគ្រាសជាច្រើន ដែលបានចាប់ផ្តើម​វិនិយោគ​លើ​គម្រោងធំៗ​របៀបនេះ។ តើបច្ចុប្បន្ន​ បច្ចេកទេស​ស្រូប​យកឧស្ម័ន​​កាបូនិក មានអ្វីខ្លះ ហើយ​វាមានប្រសិទ្ធភាព​យ៉ាងណាខ្លះ នៅក្នុងការ​កាត់​បន្ថយ​ឧស្ម័ន​នេះពីក្នុងបរិយាកាស?