ប្រជា​នេសាទ​បាន​ប្រទះ​ឃើញ​ផ្សោត​មួយ​ក្បាល​ជាប់​មង​ងាប់​នៅថ្ងៃ​ទី​០៩​ ខែ​សីហា នៅ​ភូមិ​រការ​កោងទី១​ ​ ស្រុក​មុខ​កំពូល​ ខេត្ត​កណ្ដាល។​ ជា​រៀង​រាល់​ឆ្នាំ ​ផ្សោត​ជា​ច្រើន​ក្បាល​ ត្រូវ​បាន​រក​ឃើញ​ងាប់​ ដែល​ខ្លះ​ជាប់​មង​  និង​ខ្លះ​ទៀត​មក​ពី​ ការប្រើ​ឧបករណ៍​ឆក់​។ ​នេះបើ​តាម​មន្ត្រី​បរិស្ថាន​ដែល​ធ្លាប់​អះអាង​ ខណៈ​ផ្សោត​ទឹក​សាប​នេះ​នៅ​សេស​សល់​តែ​៨៩​ក្បាលប៉ុណ្ណោះ ​ដែល​ជា​រក​ឃើញ​កាល​ពី​ឆ្នាំ​២០២២​។​ ករណី​ដែលកូន​​ផ្សោតទើប​ងាប់មួយក្បាលនៅថ្ងៃនេះ លោក សេង ទៀក នាយកអង្គការ​មូលនិធិ​សកល​សម្រាប់​អភិរក្ស​ធនធាន​ធម្មជាតិ​ WWF​ ពន្យល់ថា នេះជាលើកទី៣​ហើយ ដែលផ្សោតបំលាស់ទីឆ្ងាយ​ដើម្បី​រកចំណី​តែប្រឈមមុខនឹងគ្រោះថ្នាក់​បែបនេះ។