ПіК Свабоды

Літоўскі Сэйм разглядае законапраект, які зьмяняе правілы выдачы візаў, дазволаў на жыхарства і грамадзянства для беларусаў і расейцаў. Навошта гэта Літве і ці не супярэчаць такія меры заявам Вільні пра падтрымку дэмакратычнай Беларусі? Адказвае літоўскі палітоляг і выкладчык Віціс Юрконіс.

Старшыня Рады Беларускай Народнай Рэспублікі Івонка Сурвіла сьвяткавала Дзень Волі 75 разоў. Сёлета, лічыць яна, найгоршая сытуацыя для незалежнай Беларусі. Прэзыдэнтка БНР дае парады, як можна адзначыць гэты дзень у Беларусі ва ўмовах масавых рэпрэсій.

Як улады маніпулююць гісторыяй і хто сапраўдныя фашысты? Ці варта камэнтаваць заявы Лукашэнкі пра «арыйскія стандарты» у дзень 80-годзьдзя трагедыі ў Хатыні? Адкуль і навошта ўзьнік ва ўладаў наратыў пра генацыд беларускага народу? Адказваюць гісторыкі Тацяна Астроўская і Аляксей Ластоўскі.

КДБ сьцьвярджае, што тэракт у Горадні хацеў учыніць тэрарыст з фальшывым расейскім пашпартам. Дзяржаўныя СМІ апублікавалі відэа нібыта захопу кватэры, дзе ён быў і бараніўся пры дапамозе зброі. Экс-супрацоўнік спэцпадразьдзяленьня МУС «Алмаз» Ігар Макар перакананы, што КДБ апублікавала пастаноўку.

КДБ сьцьвярджае, што ў Горадні забілі замежнага грамадзяніна, які нібыта спрабаваў закідаць чэкістаў гранатамі. Як здарэньне зьвязана з транзытам улады і якое значэньне тут мае Натальля Качанава? Пра гэта ў эфіры Свабоды Premium расказвае экс-супрацоўнік Генэральнай пракуратуры Алег Талерчык.

Жорсткі прысуд кіраўніцам Tut.by як помсту найбольш папулярнаму незалежнаму мэдыя камэнтуе адзін з заснавальнікаў і ўласьнікаў Tut.by Кірыл Валошын. Ён абвяргае прапагандыстаў з БТ, а таксама выказвае меркаваньне, што сказаў і зрабіў бы стваральнік парталу Юры Зісер.

Палітычны аглядальнік праекту «Позірк» Аляксандар Класкоўскі аналізуе чыньнікі, паводле якіх улады распачалі новую хвалю масавых рэпрэсій. Псыхоляг Натальля Скібская разважае, што можа стаяць за затрыманьнямі псыхолягаў і псыхатэрапэўтаў у Беларусі.

На ініцыятыву ГУБАЗіКу прызналі «экстрэмісцкімі» кнігу пісьменьніка Альгерда Бахарэвіча, нумары часопісаў «Наша гісторыя», Arche і нават каляндар. Чаму рэжым Лукашэнкі баіцца беларускіх кніг? Расказвае гісторык Аляксандар Пашкевіч, былы намесьнік галоўнага рэдактара «Нашай гісторыі» і Arche.

Ці навучыць Іран Лукашэнку, як абыходзіць санкцыі? Ці абмяжоўваюцца вынікі візыту кантрактамі на 100 мільёнаў даляраў? Якім можа быць вайскова-тэхнічная супраца Беларусі і Ірану? Чаму ў Іране мілуюць удзельнікаў пратэстаў, а Беларусі – не?

На пытаньні Юрыя Дракахруста адказвае Сяргей Богдан.

Былы супрацоўнік адміністрацыі і Кіраўніцтва справамі Лукашэнкі, палітоляг і дыплямат Анатоль Котаў называе зацьверджаную сьмяротную кару «за здраду дзяржаве» спосабам узаконіць стан «не да законаў». Паводле Котава, першыя расстрэльныя працэсы могуць стаць гучнымі і публічнымі.