លោក​បណ្ឌិត ​ប៉ា ​ច័ន្ទ​រឿន​ កត់​សំ​គាល់​ថា​ មួយ​រយៈ​នេះ​មាន​ការ​បោះ​ពុម្ព​សៀវ​ភៅ​ស្តីពី​ការ​អភិវឌ្ឍ​ខ្លួន​ឯង (Personal Development), សៀវ​ភៅ​ជោគ​ជ័យ​ផ្ទាល់​ខ្លួន​ (Personal Success)​ និង​ការ​លើក​ទឹក​ចិត្ត (Motivation)​ ច្រើន​។ ​ប្រសិន​បើ​មើល​ខ្លឹម​សារ​ សៀវ​ភៅ​ភាគ​ច្រើន​គឺ​ជា​សៀវ​ភៅ ​អភិវឌ្ឍ​ខ្លួន​និង​ជោគ​ជ័យបែប​បណ្តាញ​ទី​ផ្សារ​ (marketing network) ​និង​ទស្សនៈ​លាង​ខួរ​ក្បាល​ឱ្យ ​មនុស្ស​ក្លាយ​ជា​បុគ្គល​សម្ភារ​និយម​។​ លោក​ថា​ ជា​វិបាក​ អ្នក​អាន​ដែល​ មិន​សូវ​ចាប់​អារម្មណ៍​ចំណុច​នេះ​នឹង​ក្លាយ​ជា​ជន​រង​គ្រោះ​នៅ​ក្នុង​ល្បែង​បណ្តញ​ទី​ផ្សារ​ដោយ​មិន​ដឹង​ខ្លួន​។​ ខណៈ​ដែល​ទិវា​អំណាន​ជាតិ ​កំពុង​តែ​ប្រព្រឹត្តិ​ទៅ ​លោក​ ប៉ា ​ច័ន្ទ​រឿន​ លើក​ទឹក​ចិត្ត​ឲ្យ​ជ្រើស​រើស​សៀវ​ភៅណា​ដែល​មាន​ខ្លឹម​សារ​វិជ្ជមាន​ ដើម្បី​កុំ​ឱ្យ​ប្រាក់​ក៏​បង់​ ហើយ​វិបាក​ក៏​កើន​ឡើង​ថែម​ទៀត​។