លោក បូរីស ចនសុន បានសម្រេច​លាឈប់​ពីមុខតំណែង នាយករដ្ឋមន្ត្រីអង់គ្លេស ដោយសារតែរឿងអាស្រូវផ្ទួនៗគ្នា ទាក់ទិននឹងការរៀបចំកម្មវិធីជប់លៀងសប្បាយ​ក្អាកក្អាយ ក្នុងខណៈពេល​ដែល​ប្រជាជនទូទាំងប្រទេស ត្រូវជាប់បំរាមរាំងខ្ទប់ទាំងស្រុង ដោយសារតែកូវីដ១៩។ ចន្ទទី​៥កញ្ញា គណបក្សអភិរក្សនិយមបានបោះឆ្នោតជ្រើសរើស លោកស្រី​ លីហ្ស ត្រាស្ស ឲ្យ​មកធ្វើជានាយករដ្ឋមន្ត្រីថ្មី ​មកជំនួស​លោក​បូរីស ចនសុន។ វិបត្តិសេដ្ឋកិច្ច ទំនិញឡើងថ្លៃ អតិផរណា កំពុងតែ​រងចាំ​រដ្ឋាភិបាល​ថ្មី​ឲ្យដោះស្រាយ​។​