ក្រសួង​អប់រំ​ យុវជន​ និង​កីឡា ​កន្លង​មក​បាន​ចេញ​លិខិត​ណែនាំ​ទៅ​កាន់​សាលារៀន​ទូទាំង​ប្រទេស ​ដើម្បី​ចូល​រួម​ទប់​ស្កាត់​ការ​លក់​ចំណី​អាហារ​ ៦​ប្រភេទ​ ដែល​មាន​ផល​ប៉ះពាល់​ជា​អវិជ្ជមាន​ដល់​សុខភាព។​ ចំណី​អាហារ​ទាំង​នោះ​រួម​មាន​ ចំណី​អាហារ​ដែល​ហួស​កាល​បរិច្ឆេទ ​គ្រឿង​ស្រវឹង​ ផលិតផល​ថ្នាំជក់​គ្រប់​ប្រភេទ ​ចំណី​អាហារ​ដែល​មាន​ប្រភព​មិន​ច្បាស់លាស់​ ភេសជ្ជៈ​ ចាហួយ​ ស្កគ្រាប់​ជា​ដើម។​ ក៏​ប៉ុន្តែ​អ្នក​ជំនាញ​សង្គម​ និង​សុខភាព​យល់​ថា​ ចំណី​អាហារ​ទាំង​អស់​នេះ ​ក៏​ត្រូវ​មាន​ដំណោះស្រាយ​ដូច​គ្នា​ជា​ទូទៅ​ដែរ​ មិន​ចំពោះ​តែ​ក្នុង​សាលា​នោះ​ទេ។​