កាលពីថ្ងៃអាទិត្យ​ទី​២តុលា​​ ប្រជាជនប្រេស៊ីលបានចូលរួម​បោះឆ្នោតប្រធានាធិបតី និង​បោះឆ្នោតជ្រើសរើសសមាជិកសភា យ៉ាងច្រើនកុះករ។ ជាការបោះឆ្នោត​ ដែលត្រូវគេតាមដានបំផុត ព្រោះយោងតាម​ការស្ទាបស្ទង់មតិ​ខ្លះ គឺ​លោក​ លូឡា អតីតប្រធានាធិបតី​ប្រេស៊ីលដ៏មានប្រជាប្រិយភាពនោះ អាចនឹងឈ្នះដាច់នៅជុំទី១។ តែទីបំផុត លទ្ធផល​នៅថ្ងៃចន្ទនេះ បានបង្ហាញថា នឹងមានការ​បោះឆ្នោត​នៅ​​ជុំទី​២ ដែល​លោក​លូឡា ត្រូវប្រជែងជាមួយ លោកប្រធានាធិបតីចប់​អាណត្តិ ​បុលសូណារ៉ូ។​