នៅ​ក្នុង​ប្រទេស​បារាំង លទ្ធផល​បោះឆ្នោត​ប្រធានាធិបតី​ជុំទី២ នា​ថ្ងៃ​អាទិត្យ ទី២៤ មេសា​បាន​ផ្តល់​ជោគជ័យ​ឲ្យ​ប្រធានាធិបតី​ផុតអាណត្តិ​លោក​អេម៉ានុយអែល ម៉ាក្រុង​មក​ពី​គណបក្ស « សាធារណរដ្ឋ​កំពុង​ដើរ​ទៅ​មុខ » ដោយ​ទទួល​បាន​សំឡេង​គាំទ្រ​ចំនួន ៥៨,៥៤%។ ចំណែក​គូប្រជែង​របស់​លោក​ម៉ាក្រុង​គឺ​លោកស្រី​ម៉ារីន ឡឺប៉ែន​មក​ពី​គណបក្ស « ប្រមូលផ្តុំជាតិ » ដែល​ជា​គណបក្សស្តាំនិយមជ្រុល​ទទួល​បាន​សំឡេង​គាំទ្រ​ចំនួន ៤១,៤៦%។ ចប់​ហើយ​ការ​បោះឆ្នោត​ប្រធានាធិបតី តែ​បារាំង​ត្រៀម​រៀបចំ​បោះឆ្នោត​សភា​នៅ​ដើម​ខែ​មិថុនា​ខាង​មុខ។