ទឹកជំនន់​គំហុក​បង្កឡើង​ដោយ​ការរលាយផ្ទាំងទឹកកក​លើ​ភ្នំ គឺ​ជា​បញ្ហា​ប្រឈម ដែល​គំរាមកំហែង​ដល់​ប្រជាជន​​យ៉ាងតិច ១៥លាននាក់ នៅ​ទូទាំង​ពិភពលោក​ទាំងមូល។ នេះ​បើ​យោងតាម​លទ្ធផល​សិក្សាស្រាវជ្រាវ ដែល​ចេញផ្សាយ​កាល​ពីថ្ងៃ​អង្គារ។ ហានិភ័យ​នេះ​​ ដែល​មាន​កម្រិត​ខ្ពស់​ស្រាប់ នៅក្នុងពេល​បច្ចុប្បន្ន អាច​នឹង​ត្រូវ​កើនឡើង​កាន់តែ​ខ្លាំង​ថែមទៀត ​ជាមួយ​នឹង​កំណើន​នៃ​ការឡើងកម្តៅភពផែនដី។