វិបត្តិអាកាសធាតុកាន់តែធ្ងន់ធ្ងរ ដែលបានស្តែងឡើង តាមរយៈគ្រោះធម្មជាតិកាចសាហាវ បាន​និងកំពុងធ្វើ​បាបប្រទេស​ក្រី​ក្រ​កាន់តែខ្លាំងឡើង។ ជាក់ស្តែង​គ្រោះទឹកជំនន់ ដ៏ធ្ងន់ធរបំផុត ដែលបានជន់លេច​មួយភាគបី នៃប្រទេសប៉ាគីស្ថាននាពលេថ្មីៗនេះ។ នៅអង្គសន្និបាតនៃអង្គការសហប្រជាជាតិ នាយករដ្ឋមន្ត្រីនៃប្រទេសប៉ាគីស្ថាន និង​នាយករដ្ឋមន្ត្រីបង់ក្លេដែស ដែលសុទ្ធតែជាប្រទេសរងគ្រោះខ្លាំងបំផុត ដោយវិបត្តិអាកាសធាតុនោះ​ បានថ្លែង​សុន្ទរកថា​ ថ្អូញថ្អែរ លាយ​ឡំដោយ​កំហឹង ថាប្រទេសពួកគេកំពុងរងគ្រោះ ខណៈក្រុមប្រទេសអ្នកមាន​ ដែលជាអ្នកបញ្ចេញ​ឧស្ម័ន​​កាបូនិក បែរជាមិនយកចិត្តទុកដាក់ជួយ​ផ្នែកហិរញ្ញវត្ថុ។