នៅ​ថ្ងៃ​អង្គារ ទី២៩ វិច្ឆិកា ប្រធានាធិបតី​បារាំង​លោក​ម៉ាក្រុង​ផ្តើម​ទស្សនកិច្ច​ផ្លូវរដ្ឋ​រយៈពេល ៣ថ្ងៃ​នៅ​សហរដ្ឋអាមេរិក​តាម​ការ​អញ្ជើញ​របស់​ប្រធានាធិបតី​អាមេរិក​លោក​ចូ បៃដិន។ នេះ​ជា​ទស្សនកិច្ច​ផ្លូវរដ្ឋ​លើកទី២ របស់​លោក​ម៉ាក្រុង​នៅ​សហរដ្ឋអាមេរិក បន្ទាប់​ពី​ទស្សនកិច្ច​ផ្លូវរដ្ឋ​លើកទី១ កាល​ពី​ខែ​មេសា ឆ្នាំ ២០១៨។ កំណត់សម្គាល់​មួយ​ទៀត ទស្សនកិច្ច​ផ្លូវរដ្ឋ​លើកទី២ របស់​លោក​ម៉ាក្រុង​នៅ​អាមេរិក​ពេល​នេះ​ធ្វើ​ឡើង​នៅ​ក្នុង​បរិបទ​នៃ​សង្រ្គាម​រុស្ស៊ី​ឈ្លានពាន​អ៊ុយក្រែន។