មួយថ្ងៃ​ក្រោយចូលរួម​ក្នុង​ជំនួបកំពូល​អូតង់ ក្រុមប្រទេស​G7 ប្រធានាធិបតីអាមេរិក លោក​ចូ បៃដិន ធ្វើដំណើរទស្សនកិច្ច​នៅ​ប្រទេស​ប៉ូឡូញ នៅ​ថ្ងៃ​សុក្រទី ២៥​មីនា។ នៅប៉ូឡូញ លោកចូ បៃដិន​ត្រូវ​ជួបអ្នកជំនាញ ដើម្បី​ពិភាក្សា​ពី​វិបត្តិ​ជនភៀសខ្លួន ដែល​បង្កឡើង​ដោយ​សង្រ្គាម​ឈ្លានពាន​របស់​រុស្ស៊ី​នៅអ៊ុយក្រែន។ នៅក្នុង​សន្និសីទ​ក្រោយ​ជំនួបកំពូល​អូតង់ និង​G7 កាលពី​ថ្ងៃព្រហស្បតិ៍ ប្រធានាធិបតីអាមេរិក​បាន​ព្រមាន កាលពី​ថ្ងៃ​ព្រហស្បតិ៍នេះ ថា អូតង់​នឹង​ចាត់វិធានការ បើសិន​រុស្ស៊ី​ហ៊ាន​ប្រើ​អាវុធ​គីមី។