មហាសន្និបាតអង្គការ​សហប្រជាជាតិ​លើកទី ៧៨ ចាប់ផ្តើម​ជាផ្លូវការ​ពីថ្ងៃអង្គារ​ទី ១៩ ដល់ថ្ងៃទី ២៦​កញ្ញា នៅទីក្រុង​ញូវយ៉ក។ មហាសន្និបាតដែល​មានការចូលរួម​ពី​ប្រមុខរដ្ឋាភិបាល និង​មេដឹកនាំ​ប្រទេស​យ៉ាងតិច ១៤៥​ប្រទេស ត្រូវ​កត់សំគាល់​ដោយ​វត្តមានចូលរួម​ផ្ទាល់​ជាលើកទី​១ របស់​ប្រធានាធិបតី​អ៊ុយក្រែន លោកវ្លូឌីមៀ ​ហ្សេឡេនស្គី។ ដោយសារ​សង្រ្គាម​រុស្ស៊ីឈ្លានពាន​អ៊ុយក្រែន សុន្ទរកថា​របស់​ប្រធានាធិបតី អ៊ុយក្រែន​នឹង​អាចលុបបិទបាំងជិត​បញ្ហា​សំខាន់ៗ​មួយចំនួនទៀតរបស់​ពិភពលោក ដែល​មហាសន្និបាត​របស់​អង្គការ​សហប្រជាជាតិ​ត្រូវផ្តោតពិភាក្សា ដូចជា​ភាពក្រីក្រ ការអប់រំ និង​ការប្រែប្រួលអាកាសធាតុ។