នៅក្នុង​ជំនួបទ្វេភាគី នៅសេតវិមាន កាលពីថ្ងៃសុក្រ ប្រធានាធិបតីអាមេរិក​និង​ប្រធាន​គណៈកម្មការអឺរ៉ុប​និយាយ​ព្រមព្រៀង​ថា នឹង​បន្តជួយ​អ៊ុយក្រែន ដែលកំពុង​រង​ការវាយប្រហារពីសំណាក់​មីស៊ីល​រុស្ស៊ី។ និយាយ​ចុះសម្រុងគ្នា​ពី​ការផ្តល់ជំនួយ​សម្រាប់​អ៊ុយក្រែន និងការពង្រឹង​ទណ្ឌកម្មប្រឆាំង​រុស្ស៊ី ប៉ុន្តែ មេដឹកនាំ​អាមេរិក និងអឺរ៉ុប​នៅ​បន្ត​ខ្វែងគំនិត​គ្នា ក្នុង​រឿងឧបត្ថម្ភធន​សម្រាប់វិស័យថាមពល​អាមេរិក ដែលអឺរ៉ុប​ចាត់ទុក​ជា​ការគំរាមកំហែង បង្កើតការប្រកួតប្រជែងមិនស្មើភាព​រវាង​អាមេរិក និងអឺរ៉ុប។ នៅក្នុងជំនួប​នៅថ្ងៃ​សុក្រ ប្រធានាធិបតី​អាមេរិក លោក​ចូ បៃដិនបាន​ព្យាយាម​ធានាភាគី​អឺរ៉ុប កុំ​បារម្ភខ្លាចថា ​ច្បាប់កាត់បន្ថយ​អតិផរណា​របស់អាមេរិក ដែល​អាចទៅ​​គំរាមកំហែង​សេដ្ឋកិច្ច​អឺរ៉ុប។