នៅចំពោះមុខការឡើងថ្លៃប្រេងឥន្ធនៈ ប្រមុខរដ្ឋាភិបាលកម្ពុជាលើកទឹកចិត្តឲ្យពលរដ្ឋដែល​មានលទ្ធភាព​ងាកទៅ​ប្រើ​ប្រាស់​រថយន្ត​ដែល​ប្រើ​អាគុយជំនួសវិញ។ បើតាមលោកហ៊ុន សែន ការប្រើ​ប្រាស់​រថយន្តមិនស៊ីប្រេងមិនត្រឹម​តែ​​កាត់​បន្ថយ​ការ​ចំណាយ​ថវិកាប៉ុណ្ណោះទេ តែនឹងអាចកាត់បន្ថយគ្រោះថ្នាក់ចរាចរណ៍ទៀតផង។ ប៉ុន្តែ​អ្នក​វិភាគយល់ថា នេះមិនមែនជាដំណោះស្រាយ​សម្រាប់ពលរដ្ឋ​​​ក្រីក្រ​នោះទេ។ ដំណោះស្រាយសម្រាប់ពលរដ្ឋក្រីក្រ គឺការបញ្ចុះ​តម្លៃប្រេងឥន្ធនៈ​តាមរយៈការ​កាត់បន្ថយពន្ធនាំចូល។