នៅថ្ងៃ​អាទិត្យ​ទី ១២​ធ្នូ ២០២១​នេះ នូវែលកាឡេដូនី ដែនដី​បារាំង​នៅ​ក្នុង​មហាសមុទ្ទ​ប៉ាស៊ីហ្វិក រៀប​ចំ​បោះឆ្នោត​ប្រជាមតិ​ដើម្បី​ទាមទារ​ឯករាជ្យ​ពី​បារាំង ស្រប​តាម​នីតិវិធី​នៃ​ការ​បញ្ចប់​របប​អាណានិគមនិយម​។ ​ខុស​ពី​ពីរ​លើក​មុន អត្រា​អ្នក​ទៅ​ចូល​រួម​បោះឆ្នោត​បាន​ធ្លាក់​ចុះ​យ៉ាងខ្លាំង ដោយ​ក្រុម​អ្នក​ឯករាជ្យ​និយម​ បានប្រកាស​ឱ្យពហិការ​​មិន​ទៅ​បោះឆ្នោត​។ ប៉ុន្តែ ​ការ​បោះឆ្នោត​ប្រជាមតិ​​ជា​លើក​ទី​បី​ និង​ជា​លើក​ចុងក្រោយនេះ​ ​បាន​ទទួល​ការ​ចាប់​អារម្មណ៍​ខ្លាំង​បំផុត ព្រោះ​វា​​មាន​តម្លៃ​ភូមិសាស្ត្រ​នយោបាយ​ សម្រាប់​តំបន់​អាស៊ីប៉ាស៊ីហ្វិក​ទាំងមូល​តែម្តង មិនមែន​​កំរិត​ត្រឹម​ឯករាជ្យ​កោះ​នូវែលកាឡេដូនី​មួយ​នេះ​ទេ។ ​