មេរោគកូវីដ​១៩​បំប្លែងខ្លួន «អូមីក្រុង» ដែល​មាន​លក្ខណៈ​​ឆ្លង​ខ្លាំងនិង​ឆ្លង​លឿន​​ កំពុង​បង្កផល​ផល​ប៉ះពាល់​ដល់​កំណើន​សេដ្ឋកិច្ច​ជាសកល។​ ប្រឈម​នឹង​វត្តមាន​មេរោគ​បំប្លែង​ថ្មីនេះ ​អង្គការ​សុខភាព​ពិភពលោក​កាល​ពីពេល​ថ្មីៗ​នេះ ​បាន​ណែនាំ​កាត់​បន្ថយ​ការ​ដើរ​ហើរ​ ជាពិសេស​នៅអំឡុង​ចុងឆ្នាំ​នេះតែម្តង។​ ក្រឡេក​មក​កម្ពុជា​វិញ​ អូមីក្រុង​ត្រូវ​បាន​រកឃើញ​ចំនួន​ ៤ករណី​ដែល​ជាករណី​នាំ​ចូល។​ ដ្បិត​ថា​កម្ពុជា​នៅ​មិនទាន់​ត្រូវ​បាន​រក​ឃើញ​ឆ្លង​ក្នុង​សហគមន៍​ តែ​អ្នកជំនាញ​​ពាក់ព័ន្ធ​បាន​សម្តែង​ក្តី​បារម្ភ​ដូចគ្នា​អំពី​ផល​ប៉ះពាល់​មួយ​ចំនួន​ចំពោះ​ការ​បើក​ដំណើរ​ការ​ប្រទេស​ឡើងវិញ​នៅក្នុង​កាលៈទេសៈ​នេះ​ ជាពិសេស​ក្នុង​វិស័យ​ទេសចរណ៍​តែម្តង។​