កាលពីថ្ងៃទី១១វិច្ឆិកា​កន្លងទៅ រដ្ឋាភិបាល​ជប៉ុន​បាន​ប្រកាស​ឲ្យដឹង អំពី​គម្រោង​វិនិយោគ បង្កើត​ក្រុមហ៊ុន​ដ៏ធំមួយ ក្នុងគោលដៅ​បង្កើន​សមត្ថភាព​ក្នុងការ​ផលិត​សឺមីកុងឌុចទ័រ ហើយ​កាត់បន្ថយ​ការពឹងផ្អែក​លើ​ការនាំចូល​ពី​បរទេស ជាពិសេស តៃវ៉ាន់ ដែលកំពុង​ប្រឈម​នឹង​ស្ថានភាព​តានតឹងខ្លាំង​ជាមួយចិន។ តាមគម្រោង ជប៉ុន​ចង់​បង្កើន​សមត្ថភាព​​ក្នុងការ​ស្រាវជ្រាវ និង​ផលិត​សឺមីកុងឌុចទ័រ ដើម្បី​អាច​ប្រកួតប្រជែង​ជាមួយ​នឹង​តៃវ៉ាន់ និង​កូរ៉េ​ខាងត្បូង នៅ​ក្នុង​រយៈពេល ៥ឆ្នាំ​ខាងមុខ។