អង្គការ​អូតង់​បើក​កិច្ចប្រជុំ​ថ្នាក់រដ្ឋមន្រ្តី​ការពារជាតិ​ចំនួន​ពីរ​ថ្ងៃ​ដោយ​ចាប់​ផ្តើម​ក្នុង​ថ្ងៃ​ពុធ ទី១២ តុលា​នៅ​ក្នុង​ទីក្រុង​ព្រុចសែល ប្រទេស​បែលហ្ស៊ិក។ ទន្ទឹម​នឹង​កិច្ចប្រជុំ​ថ្នាក់រដ្ឋមន្រ្តី​ការពារជាតិ​របស់​អូតង់ ក៏​មាន​កិច្ចប្រជុំ​អង្គការ​នៃ​ក្រុម​ដៃគូ​ទំនាក់ទំនង​ដើម្បី​អ៊ុយក្រែន​ដែល​មាន​សមាជិក​ជាង ៥០ប្រទេស។ កិច្ចប្រជុំ​ទាំង​ពីរ​នេះ​ធ្វើ​ឡើង ក្រោយ​ពី​រុស្ស៊ី​បាន​បាញ់​មីស៊ីល​យ៉ាង​គំហុក​លើ​ទឹកដី​អ៊ុយក្រែន​នា​រយៈពេល​ប៉ុន្មាន​ថ្ងៃ​កន្លង​ទៅ។ ដោយឡែក ក្រុម​ប្រទេស​មហាអំណាច​ឧស្សាហកម្ម​ទាំង ៧ ហៅ​កាត់ G៧ បាន​សន្យា​នា​កិច្ចប្រជុំ​តាម​អនឡាញ​ក្នុង​ថ្ងៃ​ចន្ទ ទី១១ តុលា​ដោយ​ស្នើ​ឲ្យ​ប្រធានាធិបតី​រុស្ស៊ី​លោក​ពូទីន​ចេញ​មុខ​ទទួល​ខុស​ត្រូវ​នៅ​ចំពោះ​ការ​បាញ់​មីស៊ីល​លើ​អ៊ុយក្រែន។