នៅ​ក្នុង​ប្រទេស​កាណាដា រដ្ឋាភិបាល​បាន​លាត​ត្រដាង​នា​ថ្ងៃ​ព្រហស្បតិ៍ ទី២៤ វិច្ឆិកា​នូវ​យុទ្ធសាស្រ្តជាតិ​លើកទី១ ដើម្បី​សម្រប​ទៅ​នឹង​ការ​ប្រែប្រួល​អាកាសធាតុ។ លោក​ប៊ីល ប៊្លែរ រដ្ឋមន្រ្តី​ក្រសួង​គាំពារ​ស៊ីវិល​បាន​ថ្លែង​ថា ការ​ប្រែប្រួល​អាកាសធាតុ​បាន​កើត​មាន​នៅ​គ្រប់​ទីកន្លែង និង​នៅ​លើ​សហគមន៍​ទាំង​អស់​នៅ​ទូទាំង​ប្រទេស​កាណាដា។ តាម​រដ្ឋមន្រ្តី​កាណាដា​រូប​នេះ​ដដែល ការ​កើន​ឡើង​ញឹកញាប់ និង​ភាព​ធ្ងន់ធ្ងរ​នៃ​ព្រឹត្តិការណ៍​អាកាសធាតុ​មិនមែន​មាន​តែ​នៅ​កាណាដា​មួយ​ទេ តែ​មាន​នៅ​គ្រប់​ទីកន្លែង​ទាំង​អស់​ក្នុង​លោក​នា​រយៈពេល​ប៉ុន្មាន​ឆ្នាំ​ចុង​ក្រោយ​នេះ។