នៅ​ក្នុង​ប្រទេស​អាល្លឺម៉ង់ អតីត​នាយករដ្ឋមន្រ្តី​លោកស្រី​អង់ហ្គេឡា មែរគែល​បាន​ផ្តល់​បទសម្ភាសន៍​យ៉ាង​វែង​ជា​សាធារណៈ​លើក​ទី១ នា​ថ្ងៃ​អង្គារ ទី៧ មិថុនា។ នៅ​ក្នុង​បទសម្ភាសន៍ លោកស្រី​មែរគែល​បាន​ថ្កោលទោស​ជា​ថ្មី​លើ​សង្រ្គាម​រុស្ស៊ី​ឈ្លានពាន​អ៊ុយក្រែន និង​បាន​ការពារ​នយោបាយ​របស់​លោកស្រី​ជាមួយ​ប្រទេស​រុស្ស៊ី។ គួរ​បញ្ជាក់​ថា លោកស្រី​មែរគែល​ដែល​សព្វថ្ងៃ​មាន​អាយុ ៦៧ឆ្នាំ​បាន​កាន់​តំណែង​នាយករដ្ឋមន្រ្តី​អាល្លឺម៉ង់​រយៈពេល ១៦ឆ្នាំ។