កាលពីថ្ងៃពុធសប្តាហ៍មុន សេតវិមានអាមេរិក បាន​បង្ហាញ​ជាសាធារណៈ នូវឯកសារ​កំណត់ពីទិសដៅយុទ្ធសាស្ត្រអន្តរជាតិ របស់រដ្ឋាភិបាល​លោក​ចូ បៃដិន។ ជាផែនការយុទ្ធសាស្ត្រ ដែលសេតវិមានអះអាងថានឹងធ្វើគ្រប់យ៉ាង ដើម្បីការពារ​តំណែង​សហរដ្ឋអាមេរិក ជាមេដឹកនាំកំពូលពិភពលោកលើគ្រប់វិស័យទាំងអស់។​ ទន្ទឹមគ្នានេះ រដុ្ឋបាល​របស់​លោក ចូ បៃដិន បានទទួលស្គាល់ថា ចិនគឺជាគូប្រជែងដ៏ធំបំផុត​ និងក្នុងរយៈពេល​យូរអង្វែង។ ក៍ប៉ុន្តែការគំរាម​កំហែងបន្ទាន់ ដែលសហរដ្ឋអាមេរិក ត្រូវតែទប់ទល់ឲ្យ​បាននាពេលនេះ គឺរុស្ស៊ី។