កំដៅនៃការប្រឈមមុខដាក់​គ្នា បាន​ហក់ឡើងមួយរំពេច បន្ទាប់ពីមានករណី​យានដ្រូន​មួយគ្រឿងរបស់កងទ័ពអាមេរិក បានធ្លាក់នៅក្នុងសមុទ្ទខ្មៅ​ កាលពីថ្ងៃអង្គារ​ម្សិលមិញ​ មិនឆ្ងាយប៉ុន្មានពីតំបន់គ្រីម៉េ។ ភាគីអាមេរិកបាន​អះអាង គឺកងទ័ពរុស្ស៊ីដែលជាអ្នកធ្វើ​ឲ្យ​យានដ្រូននេះធ្លាក់។ ជាការចោទដែល​ភាគីរុស្ស៊ីបានបដិសេធ។ យ៉ាងណាក៏ដោយ ករណី​នេះ បាន​ឆ្លុះបញ្ចាំងអំពីស្ថានភាព​ដែលងាយ​ផុយស្រួយ អាចក្លាយជាការប្រឈមមុខគ្នាដោយ​អាវុធ និង​កងទ័ព រវាង​គូបដិបក្សទាំង២នេះ ហើយអាចផ្ទុះក្លាយជាសង្គ្រាម​លោកលើកទី​៣។