សំណុំរឿងអ៊ុយក្រែន និងស្ថិរភាពនៅតំបន់ព្រំដែន រវាងអឺរ៉ុបខាងកើត និងរុស្ស៊ី កំពុងតែចោទជាបញ្ហាខ្លាំងបំផុត នារយៈពេលចុងក្រោយនេះ។ ក្រុមប្រទេសលោកខាងលិច ដែលមានអាមេរិក និងអង្គការអូតង់ បានចោទរុស្ស៊ីថាបានបញ្ជូនទ័ពគំរាមឈ្លានពានអ៊ុយក្រែន ខណៈដែលរុស្ស៊ីវិញ បានចោទអាមេរិក និងអូតង់ ថាបានពង្រឹងកម្លាំងសព្វាវុធ នៅតាមបណ្តោយព្រំដែន​ ដើម្បី​គំរាម​ស្ថិរភាពរបស់​រុស្ស៊ី។ ដើម្បីដោះស្រាយ​ បញ្ហាដ៏ចម្រូងចម្រាសនេះ ភាគីទាំង២ ជួប​ប្រជុំគ្នានៅទីក្រុងហ្សឺណែវ នៅថ្ងៃចន្ទ ទី​១០មករា។