សង្គ្រាម​នៅ​អ៊ុយក្រែន​បាន​ឈាន​ចូល​ដល់​ថ្ងៃទី ៧២ ហើយ​យោធា​រុស្ស៊ី មិន​ស្គាល់​ពាក្យ​ផ្អាក​បាញ់​ទេ សូម្បី​តែ​នៅក្រុង​កំពង់ផែ​ម៉ារីយូប៉ូល ភាគ​ខាង​ត្បូង ដែល​កំពុង​មាន​ប្រតិបត្តិការ​ជម្លៀស​ជនស៊ីវិល​ ក៏ស្នូរ​អាវុធ​នៅ​យ៉ាង​រន្ធាន់​ដដែរ។ ក្នុង​ស្ថានភាព​បែប​នេះ សហរដ្ឋ​អាមេរិក​បាន​ប្រកាស​បន្ថែម​ជំនួយ​យោធា​ដល់​អ៊ុយក្រែន និង​​ជា​លើក​ទី​មួយ ​ក្រុមប្រឹក្សា​សន្តិសុខ​អង្គការ​សហប្រជាជាតិ បាន​ប្រកាស​ផ្តល់​ការ​គាំទ្រ​យ៉ាង​មុត​មាំ​ក្នុង​ការ​ស្វែង​រក​ដំណោះស្រាយ​ដោយ​សន្តិវិធី។ ប៉ុន្តែ​នៅក្នុង​ផ្ទៃ​ប្រទេស អ៊ុយក្រែន​បារម្ភ​កាន់​តែ​ខ្លាំង​ខ្លាច​តែមាន​ការ​វាយប្រហារ​ទ្រង់ទ្រាយ​ធំ ក្នុង​ថ្ងៃ​ខួប​បិទ​បញ្ចប់​សង្គ្រាម​លោក​ទី​ពីរ ៩ ឧសភា។