គ្មាន​ទេពាក្យ​ថា Shutdown សម្រាប់​សហរដ្ឋ​អាមេរិក​ពេល​នេះ​ ! ច្បាប់​ថវិកា​ឆ្នាំ​២០២៣ ទើប​ត្រូវ​បាន​សភា​ និង​ព្រឹទ្ធសភា​អាមេរិក​អនុម័ត​នៅ​យប់​ថ្ងៃ​សុក្រ​ទី ២៣​ធ្នូ​។ ជា​កញ្ចប់​ហិរញ្ញវត្ថុ​ដែល​មានទំហំ​​មហាសាល​ដល់​ទៅ ១៧០០ពាន់​លាន​ដុល្លារ សម្រាប់​ឱ្យ​រដ្ឋបាល​លោក​បៃដិន សម្រេច​អាទិភាព​នានា​ ក្នុង​នោះ​៤៥ពាន់​លាន​ដុល្លារសម្រាប់​អ៊ុយក្រែន​។ ច្បាប់​ហិរញ្ញវត្ថុ​នេះ​នឹង​ចូល​ជា​ធរមាន នៅពេល​ប្រធានាធិបតី​បៃដិន ចុះហត្ថលេខា​។