កងទ័ពរុស្ស៊ីកំពុងតែប្រមូលផ្តុំកម្លាំង ដើម្បី​វាយ​សម្រុក​នៅ​ភាគខាងកើត និង​ខាងត្បូងអ៊ុយក្រែន។ ដើម្បីជួយ​កងទ័ពអ៊ុយក្រែន លោក ចូ បៃដិន បានសម្រេច​កាលពី​ល្ងាចថ្ងៃពុធទី​១៣មេសា ផ្តល់គ្រឿងសព្វាវុធធុនធំ ក្នុងតម្លៃប្រមាណ​៨០០លានដុល្លារ។ នេះគឺជាការ​បោះជំហានថ្មីមួយទៀត របស់សហរដ្ឋអាមេរិក នៅក្នុងសង្គ្រាម​អ៊ុយក្រែន ព្រោះថាកន្លងមក​ ​រដ្ឋាភិបាល​លោក​ចូ បៃដិន បាន​បដិសេធ មិន​ផ្តល់អាវុធធុនធំទេ ដោយ​ផ្តល់តែគ្រឿងសម្ភារៈ និងអាវុធតូចតាចដើម្បីឲ្យ​អ៊ុយក្រែនការពារខ្លួនប៉ុណ្ណោះ។