៥០ឆ្នាំ ក្រោយ​ការបិទបញ្ចប់នៃ​បេសកកម្ម​Apollo នៅថ្ងៃចន្ទទី​២៩សីហា សហរដ្ឋអាមេរិក គ្រោង​ត្រលប់ទៅកាន់ឋាន​ព្រះចន្ទ ជា​ថ្មី​ម្តងទៀត តាម​រយៈ​បេសកកម្ម​ Artémis របស់​ទីភ្នាក់ងារ​អវកាស Nasa។​ បេសកកម្មនេះ នឹងនាំយក​​ក្បាល​កាប់ស៊ុល Orion ឆ្ពោះ​ទៅកាន់ខ្សែអកប៊ីដរបស់ព្រះចន្ទ មុននឹងត្រលប់​មកកាន់ផែនដីយើង​វិញ។ តែយ៉ាងណា ការបាញ់បង្ហោះ ដែលគេគ្រោង​ធ្វើ​នៅ​ វេលាម៉ោង ៨និង៣៣នាទី ម៉ោងនៅ​រដ្ឋ​ផ្លរីដា ដែលត្រូវនឹងម៉ោង ១២​និង​៣៣នាទី ម៉ោង​សកល ត្រូវបានអាក់ខានវិញ ដោយសារតែបញ្ហាបច្ចេកទេស។ ការបាញ់បង្ហោះនឹងត្រូវលើកទៅធ្វើនៅ​ថ្ងៃទី​២កញ្ញា។