អ៊ីស្រាអែល​បាន​បើក​ប្រតិបត្តិការវាយប្រហារ​លើ​តំបន់​ហ្កាហ្សា នៅ​រសៀល​​ថ្ងៃ​សុក្រ​ទី ៥ សីហា បណ្តាល​ឱ្យ​ស្លាប់​ជន​ប៉ាឡេស្ទីន​យ៉ាង​ហោចណាស់ ១៥នាក់​ ក្នុង​នោះ​ម្នាក់​ជា​កុមារ​អាយុ​៥​ឆ្នាំ​ និង​ជារបួស​ជិត​៨០នាក់។ នៅ​ថ្ងៃសៅរ៍​នេះ​ អ៊ីស្រាអែល​បាន​បន្ត​ផ្លោង​វាយប្រហារ​លើ​ពួក​​ជីហាត​អ៊ីស្លាម នៅ​ហ្កាហ្សា​​ និងបន្ត​ចាប់​ខ្លួន​សមាជិក​អង្គការ​ជីហាត​អ៊ីស្លាម​នេះ​នៅ​តំបន់​ស៊ីហ្សកដានី​ ជា​ច្រើននាក់ទៀត។ ជា​ចម្លើយ​តប​ក្រុម​យោធា​ជីហាត​អ៊ីស្លាម​នៅ​តំបន់​ហ្កាហ្សា បាន​បាញ់​រុកកែត​តប​ត​វិញ​យ៉ាង​សន្ធាប់​ដែរ​មក​លើ​ទឹក​ដី​អ៊ីស្រាអែល​។ នេះ​ជា​អំពើ​ហិង្សា​ថ្មី​ដ៏​អាក្រក់​បំផុត​គិត​ចាប់ពី​​សង្គ្រាមវាយប្រហា​រ​គ្នា​មួយ​ប្រាវ រវាងអ៊ីស្រាអែល​និង​ប៉ាឡេស្ទីន​​កាលពី​ខែ​ឧសភា​ឆ្នាំ​២០២១​មក។