នៅ​ថ្ងៃ​អង្គារ ទី១ វិច្ឆិកា ប្រទេស​អ៊ីស្រាអែល​រៀបចំ​បោះឆ្នោត​សភា​មុន​អាណត្តិ​ដើម្បី​ជ្រើសរើស​តំណាងរាស្រ្ត​ថ្មី​ចំនួន ១២០នាក់​នៅ​ក្នុង​សភា។ នេះ​ជា​ការ​រៀបចំ​បោះឆ្នោត​សភា​លើក​ទី ៥ ក្នុង​រយៈពេល​តែ ៣ឆ្នាំ​កន្លះ ខណៈ​ដែល​អាណត្តិ​នាយករដ្ឋមន្រ្តី​មាន​រយៈពេល ៤ឆ្នាំ។ នេះ ស បញ្ជាក់​ឲ្យ​ឃើញ​ពី​វិបត្តិ​នយោបាយ​ធ្ងន់ធ្ងរ​ដែល​អ៊ីស្រាអែល​កំពុង​បន្ត​ជួប​ប្រទះ។ នៅ​ក្នុង​ការ​បោះឆ្នោត​សភា​លើក​នេះ អតីត​នាយករដ្ឋមន្រ្តី​លោក​បិនយ៉ាមីន នេតាន់យ៉ាហ៊ូ​សង្ឃឹម​វិល​ត្រឡប់​ទៅ​កាន់​អំណាច​ជា​ថ្មី។ តែ​នាយករដ្ឋមន្រ្តី​ផុតអាណត្តិ​លោក​យ៉ាអៀរ ឡាពីដ​ក៏​សង្ឃឹម​នឹង​បន្ត​តំណែង​របស់​លោក​ដែរ។