អាជ្ញាធរ​ប្រេស៊ីល​បាន​បង្កើន​កិច្ច​ខំ​ប្រឹង​ប្រែង​​ស្វែង​រក​ចាប់​​ខ្លួន​អ្នក​រៀប​ចំ​ផែនការ​លុកលុយ​ចូល​អគារ​ស្ថាប័ន​កំពូល​រដ្ឋ​កាលពី​ថ្ងៃ​អាទិត្យ​ទី ៨ មករា​២០២៣។ នៅថ្ងៃ​អង្គារ​ម្សិលមិញ​​តុលាការប្រេស៊ីល​ចេញដីកា​ចាប់ខ្លួន​អតីតអ្នក​ទទួល​ខុស​ត្រូវ​ពីរ​រូប ក្នុង​នោះ​ម្នាក់​គឺ​ជា​អតីត​​រដ្ឋមន្រ្តី​ក្រសួង​យុត្តិធម៌​របស់​លោក​បុលសូណារ៉ូ។ អតីត​រដ្ឋមន្រ្តី​ក្រសួង​យុត្តិធម៌​នេះ ក៏ដូចជាអតីត​ប្រធានាធិបតី​ប្រេស៊ីល​​លោក​បុលសូណារ៉ូ​ផ្ទាល់ កំពុង​ស្ថិត​នៅក្នុង​​ទឹក​ដី​​សហរដ្ឋ​អាមេរិក។