ថ្ងៃច័ន្ទ ទី​២៤តុលា​ អង្គការបរិស្ថាន Greenpeace ចេញផ្សាយរបាយការណ៍មួយបង្ហាញថា ការកែច្នៃសំណល់ប្លាស្ទិកមានតែទ្រឹស្តី តែការអនុវត្តនៅតែយឺតយ៉ាវខ្លាំង។ យឺតយ៉ាវខ្លាំង ព្រោះតែ​ខ្វះ​ការ​ទទួល​ខុសត្រូវ​របស់​ក្រុមហ៊ុនសហគ្រាស​ផលិត ​និង​ខ្វះ​ចំណាត់​ការ​ម៉ត់ចត់​របស់​រដ្ឋអំណាច​នីមួយៗ។ ​ចំណែក​មួយ​ទៀត គឺ​មកពីការ​ផលិត​ប្លាស្ទិក​ថ្មី ក៏​បាន​ចុះថ្លៃថោក ព្រោះតែ​ឧស្សាហកម្មផលិត​កាន់តែ​ច្រើននិង​លឿន​រហ័ស​។​ ទន្ទឹ​មនឹងគ្នា​​នេះ ដំណើរការ​កែច្នៃ​កាកសំណល់ប្លាស្ទិក អាច​នឹងត្រូវ​ការ​ចំណាយ​តម្លៃ​ថ្លៃ ហើយ គុណភាព​ នៅមិនទាន់​អាច​ប្រកួត​ប្រជែង​នឹង​ប្លាស្ទិក​ថ្មី​។​