ក្រុម​អង្គការ​ស៊ីវិល ​៣១ស្ថាប័ន​ រួម​ទាំង​ក្រុម​យុវជន ​និង​ អ្នក​ស្រឡាញ់​បរិស្ថាន​ បាន​ចេញ​សេចក្តី​ថ្លែង​ការណ៍​រួម​ ស្នើ​ឱ្យ​រដ្ឋាភិបាល បង្ហាញ​ភាព​ច្បាស់លាស់​ស៊ើបអង្កេត​ជា​សាធារណៈ​ ករណី​អាជ្ញាធរ​ហុងកុង (Hong Kong) ឃាត់​ចាប់​ឈើ​ប្រណិត​រាប់​រយ​តោន​ ដែល​នាំ​ចេញ​ពី​កម្ពុជា​ដោយ​ខុសច្បាប់​។ ​ពួកគេ​ជឿ​ថា ​ប្រសិន​បើ​ករណីនេះ ​ពុំ​មាន​ភ្លើង​ខៀវ​ពី​ មន្ត្រី​ជាន់​ខ្ពស់​របស់​រដ្ឋាភិបាល​ និង​បុគ្គល​មាន​អំណាច​ទេ​ គំនរ​ឈើ​ប្រណិត​ទាំងនេះ ​នឹង​មិន​អាច​រំកិល​ដល់​ទី​ក្រុង​ហុង​កុង​បាន​ឡើយ​។