លោក​ទេដ្រូស ប្រមុខ​អង្គការ​សុខភាព​ពិភពលោក WHO បាន​ថ្លែង​ក្នុង​ថ្ងៃ​ពុធ ទី១៤ ធ្នូ​ដោយ​សង្ឃឹម​ថា ជំងឺ​ឆ្លង​កូវីដ១៩ និង​ជំងឺ​ឆ្លង​អុតស្វា​នឹង​លែង​ជា​បញ្ហា​អាសន្ន​សម្រាប់​សុខភាព​សាធារណៈ​នៅ​ឆ្នាំ ២០២៣ ទៀត​ឡើយ។ លោក​ទេដ្រូស​បាន​ថ្លែង​យ៉ាង​ដូច​នេះ​នៅ​ក្នុង​សន្និសីទកាសែត​រៀបចំ​ក្នុង​ទីក្រុង​ហ្សឺណែវ ប្រទេស​ស្វីស។ តាម​ប្រមុខ​អង្គការ WHO រូប​នេះ​ដដែល មេរៀន​មួយ​ដ៏​សំខាន់​ដែល​គេ​បាន​ទាញ​ចេញ​ពី​ជំងឺ​ឆ្លង​រាតត្បាត​កូវីដ១៩ គឺ​ថា ប្រទេស​ទាំង​អស់​ត្រូវ​តែ​មាន​វិធានការ​ឆាប់​រហ័ស​ក្នុង​ឆ្លើយ​តប​នឹង​ការ​លេច​ឡើង​នូវ​ជំងឺ​ឆ្លង​គួរ​ឱ្យ​ភ្ញាក់ផ្អើល។