សំណុំរឿង​រវាង​បស្ចិមលោក និង​រុស្ស៊ី​ទាក់ទង​នឹង​អ៊ុយក្រែន​កំពុង​បន្ត​យ៉ាង​ក្តៅ​គគុក។ នៅ​ថ្ងៃ​សៅរ៍ ទី២២ មករា អង់គ្លេស​តាម​រយៈ​ប្រមុខ​ការទូត​លោកស្រី​លី ត្រឺស​បាន​ចោទ​រុស្ស៊ី​ពី​បទ​ព្យាយាម​ផ្តួលរំលំ​របបដឹកនាំ​អ៊ុយក្រែន​សព្វថ្ងៃ​ដើម្បី​លើក​បន្តុប​របប​ដឹកនាំ​ថ្មី​ជាមួយ​នឹង​មេដឹកនាំ​ថ្មី​ដែល​និយម​រុស្ស៊ី។ សហរដ្ឋអាមេរិក​បាន​សម្តែង​ក្តីបារម្ភ​ជា​ពន់ពេក​ចំពោះ​ព័ត៌មាន​របស់​អង់គ្លេស​ពេល​នេះ។ តែ​រុស្ស៊ី​បាន​អំពាវនាវ​ឲ្យ​អង់គ្លេស​បញ្ឈប់​ការ​ផ្សព្វផ្សាយ​នូវ​ព័ត៌មាន​មិន​ពិត និង​គ្មាន​សមហេតុផល។