នៅ​ក្នុង​ប្រទេស​អង់គ្លេស ក្រោយ​រដ្ឋមន្រ្តី​ក្រសួង​សុខាភិបាល និង​រដ្ឋមន្រ្តី​ក្រសួង​ហិរញ្ញវត្ថុ​បាន​លា​ចុះ​ពី​តំណែង​គួរ​ឲ្យ​ភ្ញាក់ផ្អើល​នា​យប់​ថ្ងៃ​អង្គារ ទី៥ កក្កដា រដ្ឋលេខាធិការ​ទទួល​បន្ទុក​កុមារ និង​គ្រួសារ​បាន​លា​ចុះ​ពី​តំណែង​ក្នុង​ថ្ងៃ​ពុធ ទី៦ កក្កដា។ ការ​លា​ចុះ​ពី​តំណែង​របស់​ឥស្សរជន​ទាំង ៣​រូប​ពេល​នេះ​បាន​ធ្វើ​ឲ្យ​នាយករដ្ឋមន្រ្តី​លោក​បូរីស ចនសុន​ចុះ​ខ្សោយ​មួយ​កម្រិត​ទៀត ខណៈ​ដែល​លោក​កំពុង​រួមរឹត​ដោយ​រឿង​អាស្រូវ​ជា​ច្រើន។ តែ​ទោះ​ជា​យ៉ាង​នេះ​ក្តី លោក​ចនសុន​បាន​បន្ត​បដិសេធ​មិន​ចុះ​ចេញ​ពី​កៅអី​នាយករដ្ឋមន្រ្តី​ទេ​នៅ​ពេល​នេះ។