ការ​ស្នើជា​ថ្មី​ម្តង​ទៀត​ ពី​សំណាក់​ភាគី​វៀត​ណាម​ឲ្យ​កម្ពុជា​បង្កើន​ការ​ផ្តល់​បណ្ណ​ស្នាក់​នៅ​ស្រប​ច្បាប់​ដល់​ប្រជា​ជ​ន​ខ្លួន​ដែល​រស់​នៅ​កម្ពុជា​ គឺ​ជា​ការ​ដាក់​សម្ពាធ​មក​លើ​កម្ពុជា​ និង​ជា​ហានិ​ភ័យ​ទៅ​ថ្ងៃ​ខាង​មុខ​។​ ​នេះ​គឺ​ជា​ប្រតិកម្ម​ របស់​អ្នក​ឃ្លាំ​មើល​សង្គម ​ ខណៈ​ក្រ​សួង​មហាផ្ទៃ​បាន​ផ្តល់​បណ្ណ​ស្នាក់​នៅ​ដល់​ជន​អន្តោ​ប្រវេសន៍​ យ៉ាង​តិច​៦​ម៉ឺន​នាក់​ ភាគ​ច្រើន​បំផុត​គឺ​ជាជន​ជាតិ​វៀត​ណាម​។​ ទោះជា​យ៉ាង​នេះ​ក្តី ​ ប្រធាន​រដ្ឋសភា​វៀត​ណាម​ បាន​ស្នើនៅ​ចំពោះមុខ​ប្រធាន​រដ្ឋសភា​កម្ពុជា​ ជុំវិញ​រឿង​នេះ​កាល​ពី​ថ្ងៃ​ទី​១៩​វិច្ឆិកា​  ដែល​ញាំង​ឲ្យ​អ្នក​វិភាគ ​យល់ថា ​វៀត​ណាម​កំពុង​ដាក់​សម្ពាធ​មក​លើ​កម្ពុជា​ ឲ្យ​ទាន់​ឱកាស​ដែល​ឥទ្ធិពល​របស់​ចិន​មក​លើ​កម្ពុជា​នៅតិច​។​