នៅ​ថ្ងៃ​ទី​១​នៃ​ការ​ឃោសនា​បោះ​ឆ្នោត​២០២៣​នេះ ​គឺ​គេ​សង្កេត​ឃើញ​ថា​ មាន​តែ​គណ​បក្ស​កាន់​អំណាច​មួយ​ប៉ុណ្ណោះ​ដែល​មាន​លទ្ធភាព​ឃោសនា​ ដោយ​បញ្ចេញ​កម្លាំង​ឃោស​និក​រាប់​ម៉ឺន​នាក់​ទាំង​នៅ​ភ្នំពេញ​ និង​តាម​ខេត្ត​មួយ​ចំនួន​។​ ចំណែក​គណ​បក្ស​ផ្សេង​ទៀត​ខ្លះ​មិន​ឃើញ​មាន​សកម្ម​ភាព​អ្វី​សោះ​ឡើយ​ ខណៈ​គណ​បក្ស​ខ្លះ​គ្រាន់​តែ​ដើរ​ចែក​ខិត​បណ្ណ​តាម​ផ្ទះ។​ ក្រុម​អ្នក​ឃ្លាំ​មើល​កត់​សំគាល់​ថា ​ការ​ឃោសនា​បោះ​ឆ្នោត​នៅ​អាណត្តិ​នេះ​មិន​សូវ​ទាក់​ទាញ​ចំណាប់​អារម្មណ៍​ពី​ពលរដ្ឋ​ខ្លាំង​ឡើយ ​គឺ​ប្រៀប​ដូច​នឹង​សម្ល​ខ្វះ​គ្រឿង​។​