មន្ត្រីគណបក្ស​សង្គ្រោះជាតិ​ និង​អ្នកឃ្លាំមើលសង្គម ​លើកឡើងថា ​គ្រួសារ​របស់​លោក​ ហ៊ុន សែន ​កំពុងកេង​ចំណេញ​នយោបាយ​ និងសេដ្ឋកិច្ច​ពី​វិបត្តិ ជំងឺកូវីដ-១៩។ ​ការលើកឡើងនេះ ​គឺដោយសារ​ពួកគេមើលឃើញថា សមាជិកគ្រួសារ​របស់​លោក ​ហ៊ុន សែន​ ​​មាន​​អំណាច​គ្រប់គ្រង​ក្រុមការងារ​ទប់ស្កាត់​ និង​ព្យាបាលជំងឺកូវីដផង​ និង​ចាត់​ចែង​អំណោ​យ​ដល់​ពលរដ្ឋ​រងផល​ប៉ះពាល់ផង​ ខណៈ​ក្រុមហ៊ុន​រកស៊ី​ផ្គត់ផ្គង់​ និង​ចែកចាយ​គ្រឿង​ឧបភោគ​បរិភោគ​មួយចំនួន ​សុទ្ធតែ​ក្តោបក្តាប់​ដោយ​គ្រួសារ​ត្រកូល ហ៊ុន។​ អ្នក​នាំពាក្យ​បក្សកាន់​អំណា​ច ​ច្រានចោល​ការចោទប្រកាន់នេះ ​ដោយ​ចាត់ទុកថា ​ជាការមូល​បង្កាច់​ខ្វះការ​ពិត​លើ​ក្រុម​គ្រួសារ​របស់​ប្រមុខ​រាជរដ្ឋាភិបាល។