ប្រតិកម្មយ៉ាងប្រុង​ប្រយ័ត្នពីអ្នកនយោបាយនៅក្រៅរដ្ឋាភិបាល​ចាប់​ផ្តើម​ធ្លាក់មក បន្ទាប់ពីរដ្ឋាភិបាល​បានអនុម័ត​លើការ​ធ្វើ​វិសោធនកម្មមាត្រាមួយចំនួននៃ​រដ្ឋធម្មនុញ្ញ។ ត្បិតមិនទាន់ត្រូវបាន​ពន្យល់ជាសាធារណៈ​ តែ​​ការ​ធ្វើ​វិសោធនកម្មទៅលើមាត្រា៨៩ និងមាត្រា៩៨ នៃច្បាប់កំពូលនេះ គឺជាការបង្កការ​លំបាក​ដល់​តំណាងរាស្ត្រ​ក្នុងការកោះហៅមន្ត្រីរដ្ឋាភិបាលមកបំភ្លឺ។ សម្រាប់អ្នកនយោបាយ​មួយចំនួន បើធ្វើវិសោធនកម្មរដ្ឋធម្មនុញ្ញនៅពេលនេះ​គ្រាន់តែ​បម្រើ​ផល​ប្រយោជន៍ឲ្យក្រុមណាមួយ នោះគឺជាគ្រោះថ្នាក់ដល់សង្គមជាតិ។