អ្នកប្រើប្រាស់បណ្តាញសង្គមហ្វេសប៊ុក មួយចំនួនរិះគន់ ជុំវិញការស្លាប់​បុរសម្នាក់ ជាជនសង្ស័យក្នុងអំពើឃាតកម្ម នៅប៉ុស្តិ៍ប៉ូលីសខេត្តបាត់ដំបង កាលពីពេលថ្មីៗនេះ ថាអាចមកពីការធ្វើ​ទារុណកម្ម។​ ចំណែក ស្នងការនគរ​បាល​ខេត្ត​បាត់ដំបង ​អះអាងថា ​ជនសង្ស័យរូបនោះ ស្លាប់ដោយសារ​ជំងឺគាំងបេះដូង បណ្តាលមកប្រើប្រាស់គ្រឿងញៀនហួសកម្រិត។

ទោះជាយ៉ាងណា ​អ្នកប្រើប្រាស់បណ្តាញសង្គម និងសាច់ញាតិ​របស់បុរស​ដែល​ស្លាប់នោះ​ មិនជឿ​លើ​ការ​អះអាងរបស់​ប៉ូលិស​បែបនេះទេ ​ព្រោះនៅលើមុខម៉ាត់ និងដងខ្លួន ដៃ​ ជើង សាកសព ​មានស្នាម​​ជាំ ជាច្រើនកន្លែង។