ជប៉ុនដែលជាសម្ព័ន្ធមិត្តអាមេរិក សន្យាជួយពង្រឹងផ្នែកយោធាដល់កងទ័ពកម្ពុជា នៅចំពោះមុខនាយករដ្ឋមន្ត្រីលោក ហ៊ុន ម៉ាណែត នាជំនួបដោយឡែកក្នុងកិច្ចប្រជុំអាស៊ាន-ជប៉ុន នៅថ្ងៃទី១៦ខែធ្នូ។ អ្នកវិភាគនិងអ្នកតាមដានព្រឹត្តការណ៍អន្តរជាតិយល់ថា ការសន្យារបស់ជប៉ុនយ៉ាងដូច្នេះស្ថិតក្នុងក្របខណ្ឌអាស៊ានដែលមានស្រាប់​ ប៉ុន្តែការសន្យានេះបានបង្ហាញពីតុល្យភាពនៃទំនាក់ទំនងការបរទេសរបស់កម្ពុជា ក្នុងកែវភ្នែកលោកខាងលិច។  បើតាមក្រុមអ្នកវិភាគ កាយវិការរបស់ជប៉ុននិងការទទួលយករបស់កម្ពុជាបង្ហាញថា កម្ពុជានៅក្នុងអាណត្តិរដ្ឋាភិបាលថ្មីមិនរណបចិនពេក។