ប្រមុខ​រដ្ឋាភិបាល​កម្ពុជា​ លោក​ ហ៊ុន សែន​ ទើបតែ​ប្រកាស​ជាសាធារណៈ​កាល​ពីម្សិលមិញ​ ករណី​ដែលឧត្តមសេនីយ៍​យោធាវៀតណាម​ម្នាក់​ ព្រមាន​ថា​ កម្ពុជា​ជា​ប្រភព​ចម្លង​កូវីដ១៩​ ទៅវៀតណាម​ ប្រៀបដូច​ជំនន់​មេគង្គ​ ប្រសិន​បើវៀត​ណាម​ទប់ស្កាត់​មិនបាន​ទាន់ពេល។​ សម្រាប់​កម្ពុជា ​នេះ​គឺជាការ​ប្រមាថ​មួយ​ដែល​មិនអាច​ទទួល​យក​បានឡើយ​ ហើយ​ លោក​ ហ៊ុន សែន​ ទាមទារ​ឲ្យ លោក​ Hoang Xuan Chien​  ​អនុរដ្ឋមន្ត្រី​ការពារ​ជាតិ​វៀតណាម​ ត្រូវ​សុំទោស​កម្ពុជា។​ ក្រុម​អ្នក​វិភាគ​ យល់ថា​ ការ​ទាមទារ​ឲ្យវៀតណាម​សុំទោស​នៅពេល​នេះ​គឺជារឿង​ត្រឹមត្រូវ។​