សាលា​ដំបូង​​រាជធានីភ្នំពេញ ​នឹងបន្ត​បើក​សវនាការឡើង​​វិញ លើ​សំណុំរឿង ​លោក​​ កឹម សុខា​ ​​​​នៅថ្ងៃទី២២មករាដើម​ឆ្នាំក្រោយនេះ ​បន្ទាប់​ពី​​បាន​​ផ្អឹប​​ទុកសំណុំ​រឿង​នេះ​​​​ជាងមួយ​ឆ្នាំ​។​ អ្នកវិភាគ យល់ថា ការ​ប្រកាស​បន្តសវនាការឡើងវិញ​លើ​សំណុំ​រឿង​របស់​មេបក្សប្រឆាំងនេះ គឺ​ស្របពេល​ដែល​កម្ពុជា​ត្រូវធ្វើជាប្រធាន​អាស៊ាននៅឆ្នាំ២០២២ និង​ក្រោយ​ពី​សម្ព័ន្ធភាពរវាង លោក សម រង្ស៊ី និង​លោក កឹម សុខា ទំនងជាដើរ​ដល់​ផ្លូវ​បំបែក។ ទោះជាយ៉ាងណាក៏ដោយ ក្រុមអ្នក​វិភាគ យល់ថា ការ​បន្ត​សវនាការ​ឡើងវិញនេះ គឺជាសញ្ញាវិជ្ជមាន ហើយពួកគេ​ចង់​ឲ្យអ្នក​នយោបាយ​ខ្មែរ​បញ្ចប់​រឿង​នេះ​ដោយ​ការ​ចរចាគ្នា​ដើម្បី​ផលប្រយោជន៍រួម។