លោកនាយករដ្ឋមន្ត្រី​ ហ៊ុន សែន​ នៅក្នុង​ឱកាស​នៃពិធី​សម្ពោធ​ការ​សាងសង់​ផ្លូវពីខេត្ត​ព្រះសីហនុ​ទៅ​ខេត្តកោះកុង​ កាល​ពីថ្ងៃចន្ទ​ បាន​ស្នើឲ្យ​សមត្ថកិច្ច​ប៉ូលីស​បង្កើត​គ្រុបតេឡេក្រាម​មួយ​ ដើម្បី​បង្កលក្ខណៈ​ឲ្យ​សាធារណ​ជន​អាចរាយការណ៍​ និង​ថតរូប​ពីបទល្មើស​ចរាចរណ៍​នានា​នៅ​តាម​ដងផ្លូវ។​ ការ​បង្កើត​គ្រុបតេឡេក្រាម​ចរាចរណ៍​នេះ​ ធ្វើឡើង​បន្ទាប់​ពីឥរិយាបទ​របស់​អ្នកប្រើ​ប្រាស់​ផ្លូវ​មួយចំនួន​ នៅតែ​បន្ត​បំពាន​លើច្បាប់​ បណ្តាល​ឲ្យបាត់​សណ្តាប់​ធ្នាប់​ និង​កកស្ទះ​ចរាចរណ៍​ រួម​ទាំង​បង្កគ្រោះ​ថ្នាក់​ចរាចរណ៍​ កាន់​តែច្រើន​ទៅៗ។​